腦殘？

　　今日見到或聽到過氣藝人而家係 KOL 劉X慧一些消息，當然係唔好嘅消息，先至引起各方討論，至於係咩內容，自己上網一查就一清二楚，我不詳講，我只講自己的看法。

　　首先，佢自己養狗，理應對動物有一定嘅感情，會愛護動物，不分甚麼動物，但佢竟然要驅走其他狗隻來保護自己隻狗，個問題是，你帶狗出街，你有咩去驅趕其他狗？如果咁怕自己隻狗受傷，咁應該唔好帶佢出街，你屋企咁大，起問超大超靚嘅狗屋畀狗狗住，好老實講，如果我帶住自己隻狗，又見到佢又帶隻狗，佢驅趕我隻狗嘅話，我隻狗受驚，我會報警處理，告佢虐待動物。

　　其實，劉小姐，你咁保你啲狗狗，其他人同樣愛護自己嘅動物，比你更甚，因為其他人唔會將動物分類，動物係平等㗎，正如人一樣，而你就將動物分，就證明你個腦唔知諗咩？希望你唔係腦殘啦！希望你健康，你健康就可以理性咁對待動物啦！

　　我又諗或者第一時間諗到嘅係，佢個心地好差，只有自隻狗狗貴巴閉，其他就係垃圾，咁套落人類度都一樣。自己同屋企人高高在上，高人一等？我哋都知你哋揾好多錢，但錢唔代表大哂，唔代表高尚，唔代表可以睇人唔起，將人同動物分類。

　　我明白你有你原因，但做法過份同唔合理，我哋個腦袋係要裝啲正面健康嘅嘢，希望你明白，人同動物都應該受到尊重，否則冇會人尊重你，正所謂「面就人哋畀，假就自己丢」，明唔明？

　　多一點正面，多一點健康，我哋個腦係殘㗎嘛？香港就會變得更美好。

【妖怪辦公室系列】辦公室充滿妖怪？你老細就是妖怪？

　　每年年初就要就上年的工作表現寫文章，即是做評核，檢視自己過一年的表現，來給老細評級，評級會影響你的花紅、升職及加薪，但是，真的是如此？不得而知了。

　　有些人會就此寫到長篇大論，天花龍鳳，有些會寫得精簡，短短一兩句，那麽，寫得長篇的就能感動老細嗎？就能表示你的工作繁重，應該評得好一些嗎？還是因不信自己的能力，所以要詳列給老細看看？種種原因，或者有些人真的很喜歡寫作。那麽，寫得精簡的就不被看重嗎？全部都不是，以多年經驗，加以收集意見所得，你的評级不是你的寫作如何，你的評級老早建基於你與老細的關係，老細一早心中有數，而所謂的評級程序，統统都是表面功夫，又或者是機構裡一項工作，一項太多人為因素的工作。

　　評級的結果會影響你升職加薪及花紅，所以，很多人都很重視，因為涉及錢。有誰不希望多人工，多花紅，職位高？出來打工都是希望賺多一點點，但是未必人人都順利，總會有些人感到失望，得不到老細的重視，原因很簡單，因為老細心中有自己喜歡的人，正所謂「自己友」，往往「自己友」並不是代表有實力，但比較之下，往往被比下去，但為何仍得到老細歡心？可能他們懂得老細心意，或者聽聽話話，那其他人呢？有些人一早已被老細定性不被重視，不被喜歡，甚麼好處或益都不會以你為先。

　　有兩種人在辦公室裡永遠被老細定性，一是自己友，利益好處永遠流在他們一方，二是外人，這種人在老細心中做事行先，利益永遠包尾，評級升職老細們看不見他們，苦差永遠優先。我明白人總會自私偏心，但過份了就難接受，很難看，不過老細們總會對自己的行為自圓其說。

　　無論如何，這個世界就是如此的不公，辦公室總是充滿了妖怪，一般人又怎會理解妖怪的思想言行呢？